Summer EBT Kajjitōk ko ekkā kajjitōk kaki
Ta In Summer Electronic Benefits Transfer?
Summer Electronic Benefit Transfer (Summer EBT) ej ñan kadikḷọk kwōle ak likjab in mōñā ñan ajiri ro reban ṃaroñ tōpar mōñā ko ejjeḷọk ak edik wōnaer iuṃin būrookkraaṃ eo an National School Lunch Program (NSLP) kab School Breakfask Program (SBP) ilo summer in āinwot ke jikuuḷ ko rekilōk.
Jete Joñan Jããn Eo Ej Itok Ñan Summer EBT Eo Aō?
Kajjojo ajiri ilo juōn baamļe im ekkar bwe en bōk jipañ in, enaaj etal ñan e $120 taļa juōn wōt kattōn.
Ajiri Eo Nejū Ekkar Ke Bwe En Bōk Summer EBT?
Ajiri eo nejūṃ enaaj ekkar eḷaññe:
Ewōr an riṃweo SNAP ak TEA, ak ajiri eo nejūṃ ej jikuuḷ ilo mwōn jikuuḷ ko ewōr USDA National School Lunch ak School Breakfast Program ie, im joñan deḷọñtok in jāān ko an riṃweo ekkar ñan an nāj dikḷok ak ejjeḷọk wōnāān mōña ko ilo jikuuḷ.
Emoj an kar itok juon lōta in kōjjelāik tok eō ke inaaj kar “kaju tōprak” Im bar tok ālik, ebar itok juōn aō kōjjeļā im ba ke abūļkeijen eo ao ejab tōprak. Ajiri eo nejū emaroñ ke ebbōk jipañ jān SEBT?
Āinwōt ke emōj kar jepe ke ajiri eo nejūṃ ekajju tōprak kadede, jabdewōt abūļkeijen emōj aṃ kar kanne im baeļ reban ļe. Ajiri eo nejūm enaaj bōke jipañ in SEBT kōnke ekkar bwe en Kajju Tōprak.
Ajiri ro rej jikuuḷ Head Start ekkar ke bwe ren tōprak?
Ñe ewōr nejūṃ ajiri ear jikuuḷ ilo Head Start/Early Head Start ilo jabrewōt iien ilowaan jikuuḷ iiō eo an 2024-2025, ajiri in enāj ekkar, bōtaab kwōj aikujin abūḷae. Jipede link in ñan lale laajrak in etan Head Start/Early Head Start Jikuuḷ ko emōj aer weeppān. Head Start Schools.
Elemen Aō Kanne Ñan Summer EBT?
Ajiri eo nejūṃ emaroñ kajju kōkar ñan Summer EBT ak kwar jab abūlae. Iwōj ñan website eo ilo ar.gov/summerebt im etale jaat eo ie im enaaj lewõj alikkar eo. Uwaake kajjojo kajjitōk ko ie ñan lale wobed ia. Ñe jaat in ej kwaļǫk ke kwōj aikuj in abūlae ñan Summer EBT, kwōmaroñ abūlae ioon lain
ilo acessarkansas.gov ak kwoṃaroñ printi juōn copy jen ioon lain im kanne.. Innem, email e abūḷkeijen in ededeḷọk kanne ñan SummerEBT@dhs.arkansas.gov ak kwōmaroñ bōkḷọk ñan opij eo an DHS epaake eok. Ebar wōr pepa abūḷkeijen ilo DHS county opij eo epaake eok.
Nāāt eo enaaj jemļǫk kanne ñan Summer EBT?
Raan eo āliktata ñan kõrool lǫk abūlkeijen eo ededelok aṃ kanne ñan DHS, ej Okwōj 26, 2025.
Ewi Wāwein An Itok Jipañ Jān Summer EBT?
Kajjojo iian ajiri ro im rekkar bwe ren bōk summer EBT enaaj etal $120 taļa ñan kaat ko aer kajjojo. Waan joñok, ñe ewōr 3 ajiri iṃweo im rekkar ñan būrookraaṃ in, ekwe enaaj iwōj 3 envelope rejenoļǫk jān doon im kaat kein 3 kajojo repād ilowaaer.
Ñe ajiri eo/ro nejū ekar wōr aer Summer EBT kaat iiō eo ḷọk ij maroñ wōt ke kōjerbal ejja kaat e wōt ak ij aikuj ke kōttar juōn kaat kāāl?
Ñe ajiri eo/ro nejūṃ ewōr kadede aer kaat in Summer EBT, enāj bar deḷọñlok jāān eo ñan ejja baj kaat eo wōt eḷaññe jipañ in ekkar ñan er.
Ajiri eo nejū ej jikuuḷ ilo juōn jikuuḷ eo ejjeḷọk wōnāān an aolep kōraelep. Ekkar ke ñan er?
Ñe ajiri eo nejūṃ ej jikuuḷ ilo juōn jikuuḷ eo im aolep rej mōñā in raelep ilo ejjeḷọk wōṇāān, kwōj aikujin kanne am abūḷkeijen ippān DHS bwe ren lale ñe ekkar enāj pedped iion deḷọñ tok in jāān kab joñan uwaan riṃweo. Rōban kajju kōkkar ñane. Kwōmaroñ kōjerbal tuul eo ilo ar.gov/summerebt ñan jipañ etale eḷaññe ajiri eo nejūṃ enāj kajju tōprak ak ñe enāj aikuj abūḷae ñan jipañ in.
Ewi Wāween Aō Jinoe Kōjerbale SEBT Kaat E Aō?
Ñankōpeļļǫk kaat eo aṃ, kūrlok nōmba eo epād itulik in kaat eo (1-800-997-9999) im kadeļǫñe SEBT nōṃba eo epãd imaanin kaat eo. Jiped nōṃba 1 nan Summer EBT ilo PIN menu eo, im ñe rekajjitõk Social Security Nõmba(SSN) eo an ajiri eo, likūt 0000. Elaññe emōj, likūt raan in ļotak eo an ajiri eo epād etan ilo kaat eo ilo kōkar in MM/DD/YY (MM-nōmba ko ruo moktata an Allōn eo, DD-nōmba ko ruo an raan eo im barāinwōt YY-nōmba ko ruo an iiō eo). Ãliktata, kwonaaj aikuj in kōmmane juōn am make PIN nõmba kããl 4-nõmba ie (Personal Identification Number). Ãlikin an dedeļǫk buñtōn kein, kaat eo epojak ñan aṃ kōjerbale.
Ewi Wāween Aō Kōjerbale Kaat In Summer EBT E Aō?
Elaññe emōj am kõpellok e kaat eo aṃ, kwonaaj kõjerbale āinwōt tebet kaat in bank ko. Ñan kōjerbale, kattõr e kaat eo ilo mijiin eo im likūt PIN nōṃba eo aṃ.
Summer EBT Eo?
Kwōmaroñ kōjerbal jāān in Summer EBT eo ñan wia mōñā kain kaṇ an, leen wōjke, pejtōbōl, kanniōk, mona komman jen ine im ujoj, im mōñā komman jen milik ilo iṃwōin wia ko, makūt an rikallib ro, kab jikin ko jet im rej ebbōk SNAP.
Nāāt Imaroñ Bōke Summer EBT Kaat Eo Aō?
Iien eo emōkaj tata ñan an iwōj kaat eo ej 05/09/2025. Kaat ko rej iwōj wōt ilo mail ilowaan summer in einwōt an abūḷkeijen ko itok wōt ñan aer jerbale. Kemeemej bwe ñe ewōr am Summer EBT Kaat kadede jen Summer eo ḷọk, jāān in jipañ kein renej bar kadelon waj ilo kaat ṇe. Raan eo ãliktata ñan aer jilikinwaj kein jipañ kein ej Jeptōmba 30, 2025.
Ewi To In Aō Naaj Maroñ Kōjerbal Kaat In Summer EBT E Aō?
Enaaj iwōj 122 raan ñan aṃ kōjerbal Summer EBT kaat eo, ijjinoe jān raan eo rekar jilikinwaj kaat eo. Enaaj barāinwōt iwōj juōn aṃ kōjjella ñan kwalok ñããt eo āliktata ñan kōjerbale kaat eo kab mõttan jete jāān ilow aan.
Ewi Wāween Aō Bar Kōṃṃane Juōn Aō Kaat Kããl?
Ñe Kwōnaaj aikuj in kōṃṃane juōn aṃ kaat kããl, kūrtok nōṃba eo itulikin kaat eo aṃ (1-800-997-9999). Ālikin aṃ call, enaaj bōjrak an jerbal kaat eo ilo iien eo emōkaj tata, im kwojjab ṃaroñ bar kōjerbale jããn in mae iien eo eiwōj kaat eo ekããl. Jouj im letok 10-14 raan in pejneej ñan an iwōj kaat eo ekããl. PIN nōmba eo aṃ, kaat eo, kab aolep deposit ko ren kar deļǫñ e, renaaj kaju etal ñan kaat eo ekããl.
Ewi Wāween Aō Lale Joñan Bwe Eo Ilowaan Kaat In SEBT Eo Aō?
Ñan lale joñan bwe eo, kūrḷọk nōmba in epād itulik in kaat eo (1-800-997-9999). Jabdewōt jāān jab kōjerbale enāj kajju maat 122 raan jān raan eo ekar deḷọñ ilowaan Summer EBT kaat eo.
Juōn Eo Ij Lōke Emaroñ Ke Jipañ Ña Kōmman kajjitōk?
Aet, bōtaab kwōj aikuj in kaṃooļe ke aṃ akaun eo, im lelok mālim ñan bar juon bwe en kōnono ippāmim. Armej rōt in ekobatok, ak emaroñ jab jeṃḷọk ippen rein—baamle, coworkers, etc. rikarejeram, ajiri ro, rikau ro, ro mōttam, ak rijerbal ro mōttam, im ro jōt.
Elmen Ao Jumae Juōn Jemḷọk Kōn Jipañ Ko An Summer EBT?
Eļaññe kwōj kōnan baeļ e juōn jumae, kwōmaroñ mail e juon DHS-1200 form ak Denial Notice eo am ñan Arkansas Department of Human Services Appeals and Hearings Section Slot S101, P.O. Box 1437, Little Rock, AR 72203-1437 ak email e ñan DHS.Appeals@dhs.arkansas.gov. Kwōj aikujin baeļ e juṃae eo aṃ ilowaan 90 raan jān jemḷọkin jerbal ko an summer, ilo Nobōmba 23, 2025. Ñe enāj iwōj am lōta im eiiet ḷọk 30 raan jān Nobōmba 23, 2025 ñan baeḷ e juṃae eo am, enāj iwōj ñan eok 30 raan jān raan eo lōta eo ekar tōpar eok ñan am baeḷ e juon am juṃae.
Ijjab Kōņaan Ebbōk Jipañ Jān Summer EBT. Imaroñ Ke Jab Bōke?
Aet, elaññe kwōjjab kōņaan bōk jipañ kein, ak emōj an iwōj kaat eo aṃ, kwomaroñ ṃwijiti kaat eo, im enaaj make jako jāān eo ilowaan kaat eo ālikin 122 raan jān raan eo ear deļǫñ kobban. Elaññe emōj an iwōj aṃ lōta ñan kōjjelaik eok ke emōj aṃ kajju tōprak, ako ejjañin iwōj aṃ kaat, kwomaroñ kadedeḷọk
kanne section eo an OPT OUT epãd ilo lōta eo im bar kōrole ļǫk ñan DHS.
Elaññe juōn iaan ajiri ro nejū ekkar ñan Summer EBT, ebar ke ekkar AOLEPEN ajiri ro nejū?
Ejjab kanooj. Kajjojo ajiri iṃweo rej aikuj in pād ilo jōt kain jōkjōk ko ñan maroñ bōk jipañ jān Summer EBT. Ñan waan joñok, emaroñ wōr nejūṃ ajiri ej jikuul ilo Elementary, im jikuuļ in ewõr būrookraam eo an National School Lunch Program ie, im ebar wōr juōn nejūṃ ajiri ilo Pre-School eo im ejjab pād būrookraaṃ in an National School Lunch Program eo ie. Ilo jõkjõk in, ajiri eo wōt ilo Elementary enāj ekkar bwe en tōprak ñan būrookraaṃ in, bõtaab ajiri eo ilo pre-school ejjab maroñ. Kwōj aikuj in etal ñan ioon lain ilo ar.gov/summerebt im lale jaat eo ñan etale elaññe ajiri eo nejūṃ ej juon eo enāj ke ekkar.
Ajiri eo nejū emōj an itōk kaat in SEBT eo an, kio ij ita?
Kōmaroñ kūr ḷọk 800-997-9999 im kōjoe kaat eo am ilo am kōjerbal nōṃba eo imaan kaat eo koba ippān DOB eo an ajiri eo. Jouj im kōjbaroke kaat eo am. Menin jipañ ko renāj deḷọñ ilo kaat eo 05/09/2025 im enāj jinoe jerbal ilo raan ṇe.
SEBT kaat eo $0 kobban. Etke?
Jāān in jipañ kein renāj deḷọñ im bōjak ilo 05/09/2025.
