News Feed

Stay informed on the latest News.

Ri-Ṃajeḷ Ro Rej Jokwe Arkansas Ṃōttan Jidik Remaroñ Kanne Ñan SNAP

09/26/2024

Click here for an English version of this news release.

(Little Rock, Ark) – Ekkar ñan kōjjeḷā eo ekar itok jen Arkansas Department of Human Services (DHS) rainin, armej ro rej citizen in Federated States of Micronesia, Republic of the Marshall Islands im Republic of Palau im rej jokwe amṇak ilo Arkansas in ṃōttan wōt jidik im renāj maroñ ebbōk jipañ ko jen SNAP im TEA eḷaññe rōkkar ñan būrookraaṃ kein.

Jen kar 1985 eo, armej ro jen Micronesia, Marshall Islands im Republic of Palau eṃōj lelok jiṃwe im maroñ ñan er bwe ren jokwe im jerbal ilo U.S ekkar nan karōk ko iuṃwin COFA Act eo.  Bōtaab kakien ko ñan ukōt būrookraaṃ in jipañ ko ñan public rōkar bōk jikier ilo 1996 im kōmmān bwe menin jipañ kein an federal āinwōt Supplemental Nutrition Assistance Program (SNAP) im Transitional Employment Assistance Program (TEA) ren bōjrak jen armej rein.  

Kar jinoin lok iiō in, kobban kar Consolidated Appropriations Act eo im ekar bōk jikin ilo 2024, ri-kwelọk ro ilo federal rōkar kobaik tok citizen ro an COFA bwe ren ṃōttan ro ilo laajrak in armej ro rej ebbōk menin jipañ kein an public.  DHS ej kōṃṃan eṃakūt ñan jinoe oktak in ekāāl iien eo eṃōkajtata āinwōt ke rejañ ko jen federal rōkar diwōjtok ilo Ọkwōj eo im kar kajjitōk lok im ekar tōprak juon ruuļ ñan booje im likjerjer e kakien in ekāāl.  Kar ṃoktaḷọk armej in COFA ro ilo Arkansas in ekar jinoe peḷḷọk Medicaid ñan er ilo kar 2021 eo.   

Elmọkot in im ejelōt SNAP im TEA enāj jinoe kūtien ilo Oktoba 1, 2024.  

“Loloodjake bwe aolep ri-Arkansas ren tōpar mona ko rōōne ej juon iaan kōttōpar ḷapḷap ko ad, im oktak in ejelōt jipañ kein an SNAP bwe Ri-Ṃajeḷ ro ekoba COFA ro jet rej jokwe ilo state in im rōkkar ñan jipañ kein ren maroñ nāj bōke kio wōt”, ekkar nan keeañ ko jen Kristi Putnam eo ej Secretary ñan DHS.  Eḷap ad kaṃṃoolol bwe kio jemaroñ jake lok menin jipañ kein nan rein ṃōttad rej citizen in COFA, im lelok rejañ ñan ro rōkkar nan būrookraaṃ in bwe ren jinoe kanne ilo Oktoba 1 raan.”
  
Armej in COFA rebankajju maroñ wōr aer SNAP, TEA ak menin jipañ ko jet.  Rej aikuj kanne im bareinwōt pād ilo jet wāween ko rōkkar.  Kōkar ko bwe jipañ kein ren iwōj ej pedped wōt iioon joñan am jāān, ṃweiem, im joñan aorōk in men ko jet wōjām rejenolọk jen jāān.  

Armej in COFA ro rōkar jab tōprak abūlkeijen ko aer ṃoktaḷọk remaroñ baeḷ aer owar ak appeal ilowaan wōt 90 raan jen kar raan eo rōkar kwalọk ke rejab tōprak. 

Abūļkeijen in epād iioon lain, bareinwōt ilo County opij eo an DHS, im bar ilo talboon. Jipede ijin ñan kanne iioon ḷain. Ñe kwōjjab lukkuun jela opij ta eo an Department of Human Services kwōj aikuj etal ñane im kanne, jipede ijin bwe kwōn loe map eo ej kwalọk county opij ko.    

Share this post