Ta eo jej aikuj Kōṃṃane Bwe Jen Maroñ Kōṃṃani Jerbal Ko Ippān Jukjukin Pād Eo?

Jet rutto ewōr aer Medicaid ilo ARHOME rej aikuj kōṃṃane jet kain jerbal ko kajjojo allōñ:

• Jerbal
• Bōk Kwoṇaaṃ
• Jikuul im etal ñan būrookraaṃ in kamminene ko
• Ak kobaik menkein ippān dron im kōṃṃani

Kwoj aikuj kōṃṃane tarrin 80 awa aolep allōñ, ak jerbal im wōr aṃ $580 juon allōñ.

Ta in ARHOME?

ARHOME ej jutak kōn Arkansas Health im Opportunity for Me, im ej būrookraaṃ in Medicaid eo im ej kōjerbal jāān in Medicaid ñan wia injuren in taktō ñan ro remarōn jeraṃṃan jen e.

Ri Arkansas rej kadrelōñ er ilo ARHOME rej pād wōt iuṃwin Medicaid, botab injuren ko aer rej itok jān juon iaan private injuren in taktō ko – Blue Cross Blue Shield ak Ambetter.

Ñāāt eo kakien in ej jino kitien?

Kakien in enaaj bōk jikin ilo January 1, 2027.

Juon Soft launch ekar ijjino ilo July 1, 2026 eo, botab kwoban luuji menkein wojaṃ ilo tōre in.

Ij Ke Aikuj In Ḷoor e Kakien in?

Ñe kwe 19 ñan 64 yiio drettam im wōr aṃ ARHOME, kwoj aikuj in ḷoor i kakien kein mae iien ewōr aṃ rōḷḷok jān mọ in.

Ta in rōḷḷọk jān ṃo?

Koṃaroñ rōḷḷọk jān kien in ñe kwoj:

• Juon ribōrọrọ ak kwe juon kūrae eo ejkab wōr nejin.
• Kwodik jān 19 yiio, ak kworūtto jān 64 yiiō.
• Kwar juon foster child im kwodrik jān 36 aṃ yiiō
• Juon uwaan bwij ko ak juon eo ej jān Alaska
• Kar juon ritariṇae eo ewōr an kio utaṃwe
• Juon rinañinmej
• Pād ilo juon būrookraaṃ in joḷok kōjerbal uno ko rekkajjoor im drenin kadōk
• Ḷoor Joñok Ko an SNAP im TANF ko
• Lale juon ajiri eo edik jān 13 an yiiō ak juon eo ewōr an utaṃwe
• Maroñ dreloñ ilo Medicare Part A ak dreḷoñ ilo Medicare Part B

Ñan kalikkar, kūrḷok Customer Service Center eo ilo 855-372-1084

Ñe ibōrọrọ, ta eo enaaj waḷok ālikin an ajiri eo ḷotak?

Ribōrọrọ ro rejjab laanwōtwōt kōn joñok im kakien kein. Alikin an ajiri eo ḷotak, menkein reban jelet eok  kōnke kwoj lale juon ajiri eo edrik jān 13 yiiō drettan.

Jete armij menin emaroñ jelet er?

Turun ḷok 200,000 armij remaroñ aikuj in ḷoor kakien in. Jet reṃaroñ rōḷḷọk jān kakien in, im elōñ eṃōj aer jinoe ḷoor e ilo aer jerbal, jerbal in bōk kwoṇaer, ak jikuul.

Ewi wāween aō ḷoor kakien in eḷañe ijjab maroñ rōḷḷok jān mọ in?

Komaroñ:

• Jerbal
• Bōk kwoṇaaṃ ilo menko enwōt ilo drouluul ko, opiij ko an kien, ak ijoko jet rej bōk aer jibañ jān state
• Pād ilo jikuuḷ ak būrookraaṃ in kamminene ko
• Ak kobaik menkein ippān dron im kōmmani

Kwoj aikuj tōbar 80 awa kajjojo allōñ ak kōmmane tarrin $580 aolep allōñ.

Ñāāt eo ij aikuj kwaḷok kein kaṃool?

• Ro rejkab itōn appḷae (Jan. 1, 2027 ak ro tokālik): Kwoj aikuj kwaḷok ke eṃōj aṃ lolorjake menko kwoj aikuj in kar kōṃṃani allōñ eo mokta jān aṃ kar appḷae.
• Ro ededeḷok aer dreḷoñ: Komij aikuj kwaḷok menin kaṃool ko ālikin aolep jiljino allōñ, ijoke DHS enaj mokta kajjioñ etale kwopād ia ilo aer lale rekoot ko aṃ.

Elemen an DHS lale lokwọn jerbal ko?

DHS ej mokta kajjioñ etale kwopād ia ilo aer etali rekoot ko an SNAP repād ippāer kadede, enwot kain kan an joñan aṃ jāān.

Eḷañe kemij jab maroñ kaṃool ke eṃōj aṃ kōṃṃani menko kwaikuj kar kōṃṃani:

• Kem naaj jeje im kōjeḷāik eok
• Enaj iwoj am 30 raan ñan aṃ bōktok kaṃool ak kwaḷok ke kwo-rōḷḷọk jān  in.kakien eo.
• Juon eo jān Customer Service Center enaaj kūrwoj eok ñan jiban aini pepa  ko aṃ.
• Eḷañe kwojab uaak tok, komaroñ luuji injuren eo aṃ – ijoke komaroñ bar appḷae.

Ak ñe koba in jāān ko an ruo uwaan kapijukunen eo ej $580 ak ḷapḷok?

DHS enaaj kile koba in jāān in, im erro naaj lolorjake menko raikuj in lolorjaki ikijien būrookraaṃ eo.

Ia imaroñ bōk aō jibañ ikijien kappok jerbal ak eddekḷok ilo jerbal eo aō?

Arkansas Workforce Connections ej letok iaḷan jibañ ko ñan ro rej kate er ilo jerbal ko aer. Jiped ijin ñan jeḷā men ko rebeḷḷok ñan iaḷan jibañ ko im iien kamminene ñan jerbal ko.

Ta meḷeḷein naan in “aikuj ko rejonolok ikijien nañinmej”?

Emaroñ wōr aṃ aikuj ikijien nañinmej ko rejonolok ñe ewōr aṃ nañinmej rot en ej kōṃṃan bwe en bin aṃ kōṃṃane 80 awa ilo juon allōñ. Emaroñ kain kan an:

• Bilo ak utaṃwe
• Jorrāān jān kōjerbal uno ko rekkajjoor (SUD)
• Nañinmej in kōmelij ko reḷḷap
• Utaṃwe ilo ānbwin, kōlmānlokijen, ak eddrōkḷok
• Nañinmej ko reḷḷap

Waanjoñok kōn nañinmej ko reḷḷap: cancer, nañinmej in kidney, HIV/AIDS, nañinmej in menono, multiple sclerosis, Parkinson’s disease. Nañinmej ko reban teru kaki ṃae iien repād ilo kauwōtata rej: tōñal, ikkijeḷok, aibilat, ADHD, tar jen joñan kilep, im jabwe bōtōktōk.

Armij ro rej jorāān jān kōjerbal uno ko rekkajjoor remaroñ ke rōḷḷok jān mọ?

Aet. Armij ro rej pād ilo būrookraaṃ in kemour ko ekkā aer kōrōḷḷok er. Ne ewōr en ej mour tak jān nañinmej elōñḷok jen lalem yiiō, remaroñ aikuj bwe ren etale er.

Ro rej bōk jeraṃṃan jān Social Security Disability Insurance (SSDi) eo rej ke rōḷḷok jān mọ in?

Aet.

• Ñe kwoj bōk SSDI im ewōr aṃ Medicare, kakien in ejjab jelet eok.
• Ñe kwoj SSDI ak kwojjañin pād lo Medicare, kwonaj rōḷḷok jān mọ in enwot juon eo ewōr aṃ aikuj ko rejonolok ikijien nañinmej.

DHS ej kajju jeḷā wōn ro rej bōk jibañ jān SSDI

Elemen ao ripoot i awa ko aō?

DHS emaroñ make kaṃool awa ko aṃ. Elañe jaab, komaroñ ripoot i ilo:

• Online
• Telepoon
• Ilo aṃ etal

Lolorjake bwe wāween ko ñan tōbar eok ren jiṃwe im bojak aolep iien. Komaroñ kōkāāl wāween ko ñan tōbar eok ilo Access Arkansas ilo access.arkansas.gov.

Komaroñ etal ñan ar.gov/update ñan meḷeḷe ko reḷḷap ḷok, im komaroñ tōbar Customer Service Center eo ilo 855-372-1084.

Ta enaaj waḷok eḷañe ejjeḷok aō maroñ rōḷḷok jān kakien eo im jab kōṃṃani menko ij aikuj kōṃṃani?

Komaroñ luuji jeraṃṃan ko aṃ. Kūrḷok DHS iien eo eṃōkajtata ñe ewaḷok wāween in. Komaroñ tōbar Customer Service Center eo ilo 855-372-1084.

Ta eo Qualified Health Plans (QHPs) eo ej kōṃṃane?

Kain ko an Arkansas Blue Cross Blue Shield, Health Advantage, im Octave remaroñ:

• Jibañ ikijien tōbar jukjuk in pād eo
• Lewoj ialan jikuuḷ
• Tel armij ñan būrookraaṃ in jerbal ko
• Leto-letak meḷeḷe in ājmour ko ippān DHS ñan jokālet ko ikijien rōḷḷok jān kakien ko.

Bōtab rejjab maroñ kāālet elañe komaroñ eḷḷā jān kakien ko – DHS wōt emaroñ.

Iaar lo juon enaan tok ikijien injuren eo aō ilo Centene ke eban maroñ bar kōkkāāl. Wūnin menin ej ke ikijien menko iakuj kar kōmmani ñan jerbal ko ao ilo jukjuk in pād eo?

Menin ejjab kōn menko kwaikuj kar kōṃṃani ikijien jerbal ko aṃ ilo jukjuk in pād eo. Ilo tōre in ejjeḷok men eṇ kwaikuj kōṃṃane.

Eṃōj an Centene kālet bwe en kabōjrak an kōbaḷok ilo ARHOME eo im ej ijjino ilo 2027, im DHS enaj kōṃakūt ro menin ejelet er ñan bar juon kain injuren ilowaan wōt ARHOME. DHS enaaj bar litok meḷeḷe ko kōn buñtōn ko, kobaḷok iien kaddeḷoñ, ilo tōre kane iṃaanwōj.